بسم اللہ الرحمن الرحیم

ہر مریض کے لیے خوشخبری ہے…

حافظ محمد صالح احمد

(سلسلہ وار طب الہی : 1)

https://wahdatemasalik.com/u/2022/04/17/tib-e-elahi-1/

https://www.youtube.com/watch?v=LScfNNTvVM4

ہر مریض کے لیے خوشخبری ہے

سیدنا ابوہریرہ رضی اللہ عنہ نے بیان کیا کہ نبی کریم صلی اللہ علیہ وسلم نے فرمایا:

“مَا اَنْزَلَ اللّٰهُ دَاءً اِلَّا اَنْزَلَ لَهُ شِفَاءً”

’’اللہ تعالیٰ نےجوکوئی بیماری بھی اتاری ہے مگراس (کاجڑ سے علاج کرنے)کےلیے شفا کو بھی نازل فرمایا ہے۔ ‘‘

(صحیح بخاری : حدیث :5678)

پس ہرمریض کوپریشان ہوناچھوڑدینا چاہیے اورخوش رہنا چاہیے کیونکہ اعصابی پریشرجب حد سے تجاوزکرجاتاہےتوخوشی کے ہارمونز کم ہونا شروع ہوجاتے ہیں اوراعصابی سسٹم ایسے ہارمونز خون میں تیزی سے پھینکنا شروع کردیتا ہے جوخون کی شریانوں کوتھامناشروع کردیتے ہیں۔ اس طرح جسم کنٹرول سے باہرہونا شروع ہوجاتاہے۔ پھر ایک وقت آتاہے کہ جسم کی قوت برداشت جواب دے جاتی ہے اورپھریہ اعصابی پریشر سےخون جمنا شروع ہوجاتا ہے اور دل کا دورہ یافالج یا اچانک موت واقع ہونے کاسبب بنتا ہے۔
پس مایوسی اورناامیدی سےبچیں۔ کبھی پریشان نہ ہواوراپنی بیماری کی صحیح تشخیص کرانے کے بعد اس کامکمل علاج کرنے کے لیے کوشاں رہنا چاہیے۔ہرحال میں ہمیشہ پرسکون رہنا چاہیے اور صرف اللہ تعالیٰ سےفریادکرتے ہوئے اس پر بھروسہ اور یقین رکھنا چاہیے ۔ نیز اپنی تمام ترتوجہ اورتوانائی ہسپتالوں، ادویات اور ڈاکٹرز وحکماء حضرات کے پیچھے بھاگنے پر لگانے کی بجائے صرف اللہ تعالیٰ کو راضی کرنے میں صرف کرنی چاہیے کیونکہ شفادینے والی ذات صرف اللہ تعالیٰ ہے اور جب اس کا حکم ہوگا تو بیماری ختم ہوگی ورنہ نہیں۔