رئیس وفاق المدارس، مہتمم وشیخ الحدیث علامہ ڈاکٹر عبد الرزاق اسکندر

﷽

الحمدلله رب العالمين والصلاة والسلام على سيد المرسلين وعلى آله وصحبه أجمعين            أما بعد !

روح القرآن کے نام سے یہ مسودہ میرے پاس بغرض تقریظ لایا گیا، جسے حافظ محمد صالح صاحب نے مرتب کیا ہے۔ موصوف نے بندہ سے فرمائش کی کہ اس مسودے پر تقریظ لکھوں۔ تقریظ کے اصول وشرائط کے پیش نظر میں تقریظ لکھنے سے تو قاصر ہوں البتہ نیک کام اور اچھے عنوان کے پیش نظر میں موصوف کی علمی کاوش کی قبولیت اور نیک عزائم کی تکمیل کیلئے دعاگوہوں کہ حق تعالی شانہ راستیابی کے ساتھ انہیں علمی ترقی اور عملی اصلاح سے نوازے۔

البتہ اس اہم اور حساس موضوع کے پیش نظر دو باتوں کی تاکید کرنا ضروری سمجھتا ہوں!

۱۔   تفسیر کے موضوع پر قلم اٹھانے سے قبل اصول تفسیر کا گہرا مطالعہ ضرور کیا جائے بالخصوص تفسیر وتاویل کے فروق و امتیازات کا ایسا پاس رکھا جائے کہ تاویلِ فاسد سے محفوظ رہاجاسکے۔

۲۔   قرآن کریم کے ترجمہ اور تمام تراجم میں جو فرق ملحوظ رکھنا ضروری ، اس کا پاس رکھنا بھی لازمی ہے، عام تراجم میں عبارت کے مدلول کی وضاحت کیلئے توتعبیرات ومحاورات کی وسعت سے فائدہ اٹھاسکتے ہیں مگر قرآن کریم کے ترجمہ کے دوران اس کے برعکس عمل کیا جائے تاکہ مدلولِ قرآنی کی تلاش میں نظم قرآنی سے دوری لازم نہ آئے۔

امید ہے کہ مؤلف نے ان دونوں باتوں کوملحوظ رکھا ہوگا ؛۔ اللہ تعالی ہمیں توفیق خیر سے نوازے، آمین۔

                                    والسلام

عبد الرزاق اسکندر

      علامہ یوسف بنوری ٹاؤن کراچی

۲۳ شوال ۱۴۳۹ ھ

(رئیس وشیخ الحدیث جامعہ العلوم الاسلامیہ علامہ بنوری ٹاؤن کراچی، صدر وفاق المدارس العربیہ پاکستان، صدر اقراء روضۃ الاطفال ٹرسٹ پاکستان، امیر مرکزیہ عالمی مجلس تحفظ ختم نبوت پاکستان)