فضیلۃ الشیخ ڈاکٹرخلیل الرحمن لکھوی

﷽

الحمد لله رب العالمين والصلاة والسلام على نبينا محمد وعلى آله وصحبه أجمعين. أمابعد:

        قرآن کریم  کے ہر مسلمان پر چند حقوق ہیں:

اس پر ایمان لانا کہ یہ کلام الہی ہے جو جناب جبرائیل علیہ السلام کے ذریعے جناب نبی کریم ﷺ پر نازل کیا گیا ہے۔

 اس کا سیکھنا، سمجھنا ،اس پرعمل کرنا اور آگے پہنچانا ۔

اس کی تلاوت اور سماع دونوں کا ثواب ہے۔مگر ساتھ میں تدبر بھی ہو تواجراور بھی زیادہ بڑھ  جاتا ہے۔

فاضل شاگرد جناب حافظ محمد صالح احمد حفظہ اللہ  نے ’’روح القرآن‘‘ کے نام سے قرآن کریم کا لفظی اور بامحاورہ ترجمہ اور عربی امہات الکتب تفاسیر کا خلاصہ انتہائی جامعیت کے ساتھ ایک ہی پہراگراف میں  9 رنگوں کی مدد سے  تحریر کیا ہے۔

’’ روح القرآن‘‘ آخری پارہ (جزء عم ، 30) کو چیدہ چیدہ مقامات سے دیکھا ہے۔ الحمدللہ علمی طور پر انتہائی مفید محسوس کیا ہے۔ مؤلف کی قرآن  سے  محبت عیاں ہے اور مختلف تفاسیر سے خلاصہ مرتب کرنا موصوف کے فہم قرآن کے ذوق کی علامت ہے، جس طرح کہ لکھے گئے ترجمہ وتفسیرکا فنی انداز بیان اس پر دلالت کررہا ہے۔

دعاہے کہ  رب کریم مؤلف محترم  حافظ محمد صالح احمد کی کاوش  قبول فرمائے اور طلبۃالعلم وعامۃ الناس  کو ’’روح القرآن ‘‘ سے مستفید ہونے کی توفیق دے۔ آمین

د/ خليل الرحمن حبيب الرحمن

      رئیس معهد القرآن الكريم ، کراچی ، پاكستان